Logo
2019 ජූලි මස 24 වැනි බදාදා

නෝනා ඔවර් ටයිම් කරාම



“දැන් බලපං බං අපේ ගෑනු, ඔය ඔෆිස් එකක රස්සාවක් කළාට මාසෙ අන්තිමට ඒකෙන් හම්බවෙන තුට්ටු දෙක එයාගෙ ඇඳුම් ආයිත්තං වලටයි, උදේ හවස යන එන ඔෆිස් වෑන් එකටයි ඉවරනෙ. ඒ අතින් අපෙ දයා හරි ලක්කාරයා. මිනිහට බැංකුවේ රස්සාව කරන ගෑනියෙක් ලැබුණු එක කොයිතරම් චාන්ස් එකක් ද?” සෝමපාල කීවේ පාර්ලිමේන්තු ආපනශාලාවේ තදබදය අඩුවී මඳ විරාමයක් ලද මොහොතකදී ය.

“මට නං හිතෙන්නේ මට ලැබණු චාන්ස් එක ඒක නෙමෙයි. තනිකඩයා කාලෙ අපෙ මහගෙදරදි තේ එකක් හදාගන්ඩ දන්නෙ නැතුව හිටිය මම යස අගේට බතක් මාළුවක් උයා ගන්ඩ පුරුදු වුණේ අපේ මායියා හැමදාම ඕවර්ටයිම් කරල ගෙදර එනකොට රෑ අට පහුවෙන හින්ද නෙ. ඒක තමයි බං ලොකුම චාන්ස් එක.” දයාතිලක සෝමපාල ගේ පිටට තට්ටුවක් දමමින් කීවේ ය.






Helabima. All rights Reserved.

Copyrights protected: All the content on this website is copyright protected and can be reproduced only by giving due courtesy to 'helabima'