Logo

(කුලී) නත්තල් සීයාගේ නත්තල



කට්ට අවුවට තිබහ එනකොට බෝතලෙන් ඇල් වතුර බිවුවා
කකුලෙ මස් ගොබ රිදුම් කනකොට හොරෙන් ටිකකට ගිමන් නිවුවා
ටිකක් ලොකුවට ඇඳපු ඇඳුමට ඇඟේ ඇට කටු මුවා කෙරුවා
මෙදා නත්තල් සීයා විදිහට දවස් කුලියට තෑගි බෙදුවා

අපේ පොඩි උන් දෙන්න වාගෙම ළමයි සල්පිල පුරා උන්නා
කරේ එල්ලන් ඉන්න මල්ලෙන් මගේ නොවෙනා තෑගි දුන්නා
පාන්වත් නැති අපේ නත්තල මතක්වෙනකොට කදුළු පැන්නා
හිනාවෙන වෙස් මුහුන අස්සෙන් එවුවා හෙමිහිට බිමට වැටුණා

ප්ලාස්ටික් ගස් මුදුනෙ හිනැහෙන බල්බ් තරු වැල් ‍රෑන් දිළුණා
සීනු හඬවල් මකාගෙන එන හෝන් හඬවල් උස්ව නැගුනා
ජේසු බිළිඳා උපන් ගවලෙන සේල් කියලා ලියා තිබුණා
ගමේ එනකොට උඹට දෙන්නට ගවුම් රෙද්දක් ගන්න හිතුනා

කඩේ ණය පොත පෙන්න පෙන්නා කුරුසයේ ඇණ ගහන හින්දා
පරන ණය ටික ගෙවනකන් එහෙ යන්න බැරුවැති නේද නන්දා
මෙදා නත්තල් රෑට එකටම පල්ලි යන්නත් නොවෙන හින්දා
ඔයා මහගෙයි දිහා ගියොතින් හිතට ඩිංගක් හොඳයි නන්දා

Loading...
දැන්වීම්
ගුරු මාරුව 2014 - ලග්න රැසකට සුබපල
- ඉන්දික කුමාර
2014-06-18 17:22:53 - 13298981
පෘථිවි අභ්‍යන්තරයේ විශාල සාගරයක් සොයා ගැනේ
- මතීෂ චාමර අමරසේකර
2014-06-15 18:13:12 - 13194264
මෛත්‍රී යුගයේ යහපාලනය..
- රත්තනදෙණියේ මේධානන්ද හිමි
2015-01-13 06:05:47 - 10641090
ත්‍රස්තවාදය නැතිකළ පාපයට ගෝඨාභය බිල්ලට දීම
- මහින්ද පතිරණ
- 10541588
සමුගත් පොදුජන ජනපතිට රටේ දරුවන් ලියු ලිපි
- ඉන්දික කුමාර
2015-02-07 23:33:29 - 10365315
Copyright © 2014 - 2018 Helabima. All rights Reserved.
Copyrights protected: All the content on this website is copyright protected and can be reproduced only by giving due courtesy to 'helabima'