Logo

පියසිරිගෙන් විමල්ට දැඩි ප්‍රහාරයක්.. විස්කි, පොලී, ඩීල් නොකී කතා තොගයක් එළියට අදී (Video)



ජාතික නිදහස් පෙරමුණ බිහිකිරීමේ ආරම්භක අරමුණුවලින් බැහැරව මේ මොහොත වන විට විමල් වීරවංශගේ පුද්ගලික අභිමතාර්ත ඔස්සේ පක්ෂය මෙහෙයවමින් තිබෙන බවත් ඒ හේතුවෙන් ජාතික නිදහස් පෙරමුණට නව නායකත්වයක් අවශ්‍යව ඇති බවත් එහි ජාතික සංවිධායක පියසිරි විජේනායක මහතා පවසයි. සිරස රූපවාහිනියේ “නිව්ස් ෆස්ට්“ සමග පැවති සංවාදයකදී පක්ෂ නායක විමල් වීරවංශ මහතා දැඩිලෙස විවේචනය කරමින් ඔහු අදහස් පලකළේය.

පක්ෂයේ නායකයා කුමන හෝ බලවේගයක අතකොළුවක් බවට පත්වී ඇති බවට මේ වනවිට තහවුරු වී ඇති අතර එය කුමන ඔත්තු සේවාවක්දැයි තමාට පැවසිය නොහැකි වුවද බාහිර බලවේගයක් විසින් ඔහුව හසුරුවන ලබනු බව ස්ථීර යැයිද විජේනායක මහතා පවසයි. උදාහරණයක් ලෙස බන්ධනාගාර ගතව සිටියදී පක්ෂයේ තීන්දුවට පිටින් උපවාසයක් ආරම්භ කළ බවද අවසානයේ අකමැත්තෙන් වුවද රට ඉදිරියේ පක්ෂයටද ඒ වෙනුවෙන් පෙනී සිටීමට සිදුවු බවද ඔහු පවසයි.

2010 අමාත්‍ය ධුරය භාරගැනීමෙන් පසු විමල් වීරවංශ මහතාගේ පෞද්ගලික ජීවිතයේ ඇතිවී තිබෙන වෙනස්කම් ඉතා හොඳින් සළකා බැලිය යුතුය. අප පක්ෂයේ පහළ සාමාජිකයෙකු රුපියල් 25,000ක හෝ 35,000ක මාසික වැටුපක් ලබන විට පක්ෂ නායකයා සාමාජිකයාගේ පඩිය තරම් වටිනා විස්කි බෝතලයක් පානය කරන්නේනම් එය කොතරම් අප පක්ෂ නායකත්වයට ගැලපෙන්නේදැයි සිතා බැලිය යුතු බවත්, ජාතික නිදහස් පෙරමුණේ සමහර නායකයින් අද වනවිට පාවිච්චි කරන වාහන දෙස බැලීමේදී ඔවුන් ගතකරන්නේ අල්පේච්ච ජීවිතයක්දැයි විමසා බැලිය යුතු බවත්. ඒ වගේම ඔහුට කෝටි ගණනින් මුදල් ලැබෙන්නේ කෙසේද? පක්ෂයේ නායකයා මුදල් පොලියට දෙන්නෙක් නම් ඔහුට අප පක්ෂ නායකයා විය හැකිද? ජනිපෙ යනු බැංකුවක් නොවන අතර එහි නායකයා පොලී මුදලාලි කෙනෙකුද නොවිය යුතු බව විජේනායක මහතා පවසයි.

විමල් වීරවංශ මහතා හට සහතික ලෙසම කුමන හෝ කණ්ඩායමක් සමග ඩීල් එකක් පවතින බවත් ආණ්ඩුක්‍රම ව්‍යවස්ථා සංශෝධනය පිළිබඳ සංවාදයේදී එය මනාව පැහැදිලිවු බවත් ඔහු පවසයි. එම අවස්ථාව උපයෝගී කරගනිමින් විමල් වීරවංශ මහතා හට එහි අඩුපාඩු පෙන්වා දීමට අවස්ථාව තිබුනද ඔහු එය මගහැර ගියේය. එසේ මගහැරියේ ජාතික ව්‍යාපාරයේ වුවමණාවට නොව වෙන කාගේ හෝ වුවමනාවක් ඉටු කිරීමට බවද ඔහු පෙන්වා දෙයි.

වර්තමානය වනවිට පක්ෂයේ මූලික අරමුණුවලින් බැහැරව කාට හෝ මඩක් ගසා පොඩි ආතල් එක්ක ගැනීමට බලා සිටිනා නායකයෙකු වෙනුවට අලුත් නායකත්වයක් අවශ්‍ය බව ජාතික නිදහස් පෙරමුණේ දේශපාලන මණ්ඩලය මේ මොහොතේ දරණය මතය බවද ඒ සඳහා විමල් වීරවංශ වහාම පක්ෂ නායකත්වයෙන් ඉවත්විය යුතු අතර එම වගකීම දැරියහැකි පුද්ගලයෙකුට එ පැවරිය යුතු බවද පියසිරි විජේනායක මහතා කියා සිටී.



Loading...
දැන්වීම්
කන්දේ ගමට පයිත්තියන්ද???
- සංජන රවිඳු
2018-05-16 22:38:52 - 14604

- සංජන රවිඳු
2018-04-30 21:16:41 - 48859
සෙංකඩගල නිළමෙලා සිංහල ජාතිය පාවා දීම
- නලින් ද සිල්වා
2018-04-06 03:34:57 - 112744
රටට අවශ්‍ය දේශපාලනීකරණය නොවු යහපාලනයකි
- අචාර්ය නාලක ගොඩහේවා
2018-04-01 22:18:37 - 129363
ලොව ඉහලම කාබන් ප්‍රතිශතයක් ඇති ලොව හොඳම මිනිරන් හමුවන බෝගල මිනිරන් පතල
- ඉන්දික කුමාර
2018-01-17 20:45:06 - 486866
ගුරු මාරුව 2014 - ලග්න රැසකට සුබපල
- ඉන්දික කුමාර
2014-06-18 17:22:53 - 14137731
පෘථිවි අභ්‍යන්තරයේ විශාල සාගරයක් සොයා ගැනේ
- මතීෂ චාමර අමරසේකර
2014-06-15 18:13:12 - 13971190
මෛත්‍රී යුගයේ යහපාලනය..
- රත්තනදෙණියේ මේධානන්ද හිමි
2015-01-13 06:05:47 - 11550732
ත්‍රස්තවාදය නැතිකළ පාපයට ගෝඨාභය බිල්ලට දීම
- මහින්ද පතිරණ
- 11439233
සමුගත් පොදුජන ජනපතිට රටේ දරුවන් ලියු ලිපි
- ඉන්දික කුමාර
2015-02-07 23:33:29 - 11237250
Copyright © 2014 - 2018 Helabima. All rights Reserved.
Copyrights protected: All the content on this website is copyright protected and can be reproduced only by giving due courtesy to 'helabima'