Logo

පියාට අපහාස කරන අර්ජුණ පුතා



විශ්වාසභංගයෙන් පසුව නිදහස් පක්ෂය තුනට කැඩි ඇති බව ඒකාබද්ද විපෂක්‍යේ කැදවුම්කරු පාර්ලිමේන්තු මන්ත‍්‍රී ප‍්‍රසන්න රණතුංග මහතා පවසයි.

ඔහු මෙම අදහස් පළ කළේ හිටපු ඇමැතිවරයකු ආණ්ඩුකාරවරයකු මෙන්ම ශ්‍රී ලංකා නිදහස් පක්ෂයේ ජ්‍යෙෂ්ඨතම දේශපාලනඥයකු වන දිවංගත රෙජී රණතුංග මහතාගේ 81 වැනි ඡන්ම දින සැමරුම් උළෙලට මිනුවන්ගොඩ උඩුගම්පොළ දී සහභාගී වෙමිනි.

ඒ මහතා එහිදී වැඩිදුරටත් මෙසේ ද ප්‍රකාශ කළේය.

මගේ දේශපාලන ගමනේ ගුරුවරයා ලෙස සැමවිටම සලකන්නේ මගේ පියා වන රෙජී රණතුංග මහතාවයි. එතුමා මම දේශපාලනයට එන විට දුන් එකම උපදෙස වුණේ හම්බ කරන්නට නම් දේශපාලනයට එන්න එපා කියන එකයි. ඒ වගේම දේශපාලනය කරනවා නම් ගමේ ඉන්න ඕනේ කියලත් එතුමා මට උපදෙස් දුන්නා. මම හැමදාමත් කටයුතු කළේ මගේ පියාගේ උපදෙස් මතයි.

අද සමහරු කිය කියා යනවා මහින්ද මහත්තයා රෙජී රණතුංග මහතාට සැලකුවේ නැහැ කියලා. ඒ කියන අය අද ඉන්නේ එක්සත් ජාතික පක්ෂයේ නායකයන්ගේ තුරුලට වෙලයි. රෙජී රණතුංග මහතාගේ දර්ශනය ප්‍රතිපත්ති අනුගමනය කරන කිසිවකුටත් එක්සත් ජාතික පක්ෂයේ තුරුලට යන්න බැහැ. මම දකින විදිට රෙජී මහත්තයාට කරන්න පුළුවන් ලොකුම අපහාසය තමයි එක්සත් ජාතික පක්ෂයත් එක්ක දීග කන එක.

අද ශ්‍රී ලංකා නිදහස් පක්ෂයට අත්වෙලා තියෙන ඉරණම දකින්නට රෙජි මහත්තයා ජීවතුන් අතර නොසිටින එකත් එක්තරා ආකාරයක වාසනාවක් කියලයි මම දකින්නේ.

විශ්වාසභංගයෙන් පසුව අද නිදහස් පක්ෂය තුනට කැඩිලා. සියයට අනූපහක් ඉන්නේ මහින්ද මහත්තයා නියෝජනය කරන ඒකාබද්ධ විපක්ෂය තුළයි. තවත් 8%ක් ඉන්නවා මෛත්‍රී පිල කියලා. දැන් රනිල් අනුගමනය කරන නිදහස් පක්ෂ රනිල් පිල කියලත් කණ්ඩායමක් ඉන්නවා.

මහා සංඝරත්නයත් පාර්ලිමේන්තු මන්ත්‍රීවරුන් වන ප්‍රසන්න රණවීර, ඉන්දික අනුරුද්ධ, සිසිර ජයකොඩි, ඩුලිප් විජේසේකර, නිමල් ලන්සා මහත්වරුන් ඇතුළු විශාල පිරිසක් මෙම අවස්ථාවට සහභාගී වී සිටියහ.

– ප‍්‍රදීප් අනුර කුමාර

දැන්වීම්
මහින්ද..! මේ අවසන් සටනයි..!
- අරුණ වාසලමුදලි
2018-11-15 23:09:48 - 144446
ජ වි පෙ රැවටිල්ල
- නලින් ද සිල්වා
2018-10-24 22:15:48 - 239174
ජවිපෙ - ගමනක අග
- පැතුම් රණසිංහ
2018-10-14 04:06:22 - 288284
මා නොවන මම
- නලින් ද සිල්වා
2018-10-06 04:11:05 - 453856
විස්‌සෙන් දෙන්නේ ඊලමයි
- රියර් අද්මිරාල් (ආචාර්ය) සරත් වීරසේකර
2018-09-14 03:58:45 - 1308612
පෘථිවි අභ්‍යන්තරයේ විශාල සාගරයක් සොයා ගැනේ
- මතීෂ චාමර අමරසේකර
2014-06-15 18:13:12 - 19036526
ගුරු මාරුව 2014 - ලග්න රැසකට සුබපල
- මතීෂ චාමර අමරසේකර
2014-06-18 17:22:53 - 18241352
මෛත්‍රී යුගයේ යහපාලනය..
- රත්තනදෙණියේ මේධානන්ද හිමි
2015-01-13 06:05:47 - 14422047
සමුගත් පොදුජන ජනපතිට රටේ දරුවන් ලියු ලිපි
- ඉන්දික කුමාර
2015-02-07 23:33:29 - 14347545
ත්‍රස්තවාදය නැතිකළ පාපයට ගෝඨාභය බිල්ලට දීම
- මහින්ද පතිරණ
- 14240707
Copyright © 2014 - 2019 Helabima. All rights Reserved.
Copyrights protected: All the content on this website is copyright protected and can be reproduced only by giving due courtesy to 'helabima'