Logo

පොළිස්පතිටත් දූෂණ චෝදනා-පොළිස් අධිකාරීවරයෙකුගෙන්ම පැමිණිල්ලක්



පොලිස් කොමිෂන් සභාවෙන් තමාට ලබා දුන් උසස් වීම ක්‍රියාත්මක නොකිරීම නිසා පොලිස්පතිවරයා අල්ලස් පනතේ ‘දූෂණය‘ නම් වරද සිදු කර ඇතැයි ද, ඒ සම්බන්ධයෙන් විමර්ශනයක් පවත්වන්නැයි ද ඉල්ලමින් කිලිනොච්චිය කොට්ඨාස භාර ජ්‍යෙෂ්ඨ පොලිස් අධිකාරී පාලිත සිරිවර්ධන මහතා ඊයේ (06) පොලිස්පති පූජිත් ජයසුන්දර මහතාට එරෙහිව අල්ලස් හෝ දූෂණ චෝදනා විමර්ශන කොමිෂන් සභාවට පැමිණිල්ලක් කළේය.

නීතීඥ අශෝක වීරසූරිය සහ නීතීඥ ඉෂාර ගුණවර්ධන මහත්වරුන් සමග අල්ලස් කොමිසමට ගිය ජ්‍යෙෂ්ඨ පොලිස් අධිකාරීවරයා එහි ලේකම්වරයාට පැමිණිල්ල සහ ලේඛන භාර දුන්නේය.

තමා සමග ඇති පෞද්ගලික අමනාපයක් නිසා පොලිස්පතිවරයා තමාට පාඩුවක් කිරීමේ චේතනාවෙන් පොලිස් කොමිසමෙන් ලබා දුන් උසස් වීම ක්‍රියාත්මක නොකර සිටින බව පාලිත සිරිවර්ධන මහතාගේ පැමිණිල්ලේ සදහන්වේ.

කිලිනොච්චිය කොට්ඨාස භාර ජ්‍යෙෂ්ඨ පොලිස් අධිකාරී ලෙස කටයුතු කරන පාලිත සිරිවර්ධන මහතා වැඩ බලන නියෝජ්‍ය පොලිස්පතිවරයකු ලෙස පත් කරන ලෙස පොලිස් කොමිෂන් සභාව අවස්ථා කිහිපයකදීම පොලිස්පතිවරයාට දැනුම් දී තිබිණි.

තමා කොල්ලුපිටිය පොලිස් ස්ථානාධිපතිව සිටින කාලයේ පූජිත් ජයසුන්දර මහතා කොළඹ දිසාව භාර නියෝජ්‍ය පොලිස්පති ලෙස කටයුතු කළ බවත්, එම වකවානුවේ ඔහු කළ අසාධාරණ ක්‍රියාවක් ගැන තමා සහ නියෝජ්‍ය පොලිස්පතිවරයා අතර බහින්බස් වීමක් ඇති වූ බවත්, ඊට පළිගැනීමක් ලෙස තමා කිලිනොච්චි කොට්ඨාස භාර නිලධාරී තනතුරෙන් ඉවත් කිරීමට ද පොලිස්පතිවරයා උත්සාහ කළ බවත් පාලිත සිරිවර්ධන මහතා සිය පැමිණිල්ලේ සඳහන් කර තිබේ.

ඉන් අනතුරුව අවස්ථා කිහිපයකදීම පොලිස්පතිවරයා තමාගෙන් පළිගැනීමට උත්සාහ කර ඇති බවට කරුණු දක්වා ඇති ජ්‍යේෂ්ඨ පොලිස් අධිකාරීවරයා ජාතික පොලිස් කොමිෂන් සභාවෙන් තමාට ලබා දුන් වැඩ බලන නියෝජ්‍ය පොලිස්පති ධුරය පොලිස්පතිවරයා ක්‍රියාත්මක නොකිරීමෙන් අල්ලස් පනතේ 70 වැනි වගන්තියේ සඳහන් පරිදි රාජ්‍ය නිලධාරියකු වශයෙන් නීත්‍යනුකූලව කළ යුතු ක්‍රියාවක් සිදු නොකරමින් ‘දූෂණ‘ නම් වරද සිදු කරනු ලැබ ඇතැයි ද සඳහන් කර ඇත.

ඒ සම්බන්ධයෙන් විමර්ශන පවත්වා පොලිස්පතිවරයාට එරෙහිව නෛතික ක්‍රියාමාර්ග ගන්නා ලෙස ජ්‍යෙෂ්ඨ පොලිස් අධිකාරී පාලිත සිරිවර්ධන මහතා අල්ලස් කොමිසමෙන් ඉල්ලා තිබේ.

 

Loading...
දැන්වීම්
මනුෂ්‍යත්වයට ආගම හරස් නොවූ ‘‘තම්බියා‘‘
- ඉන්දික කුමාර
2018-06-01 17:35:14 - 99016
ජාතිකවාදීන්ට සතුටු විය හැකි තීරණයක්
- නලින් ද සිල්වා
2018-06-01 01:16:33 - 100927
රාජ්‍යය විශ්ව විද්‍යාලවල 80% පැමිනීම අනිවාර්ය විය යුතු ද?
- මහාචාර්ය පී අයි යාපා
2018-05-28 19:50:21 - 102758
කන්දේ ගමට පයිත්තියන්ද???
- සංජන රවිඳු
2018-05-16 22:38:52 - 141654

- සංජන රවිඳු
2018-04-30 21:16:41 - 228854
ගුරු මාරුව 2014 - ලග්න රැසකට සුබපල
- සංජන රවිඳු
2014-06-18 17:22:53 - 14700928
පෘථිවි අභ්‍යන්තරයේ විශාල සාගරයක් සොයා ගැනේ
- මතීෂ චාමර අමරසේකර
2014-06-15 18:13:12 - 14540409
මෛත්‍රී යුගයේ යහපාලනය..
- රත්තනදෙණියේ මේධානන්ද හිමි
2015-01-13 06:05:47 - 12116683
ත්‍රස්තවාදය නැතිකළ පාපයට ගෝඨාභය බිල්ලට දීම
- මහින්ද පතිරණ
- 11988154
සමුගත් පොදුජන ජනපතිට රටේ දරුවන් ලියු ලිපි
- ඉන්දික කුමාර
2015-02-07 23:33:29 - 11804363
Copyright © 2014 - 2018 Helabima. All rights Reserved.
Copyrights protected: All the content on this website is copyright protected and can be reproduced only by giving due courtesy to 'helabima'