Logo

ගුරු විදුහල්පතිවරු හෙට ලෙඩවෙයි



ගුරුවරුන් සහ විදුහල්පතිවරුන් ඉලක්ක කර ගනිමින් පටු දේශපාලන අරමුණු ඉටු කර ගැනීම සදහා ඇතැම් වෘත්තිය සමිති කටයුතු කරමින් සිටින බව අධ්‍යාපන අමාත්‍යාංශය පවසයි.

වැටුප් විෂමතා ගැටළුවලට විසඳුම් ලබාදීමට සියළු කටයුතු සූදානම් කර ඇති මොහොතක එය තම වෘත්තිය සංගම්වල ජයක් ලෙස පෙන්වාදෙමින් ගුරුවරුන් සහ විදුහල්පතිවරුන් නොමඟ යැවීමේ උත්සාහයක ඇතැම් පාර්ශව කටයුතු කරන බව එම අමාත්‍යාංශය සඳහන් කළේය.

ගුරු හා විදුහල්පතිවරුන් ලෙඩ නිවාඩු වාර්තා කරමින් හෙට(13) දිනයේ පැවැත්වීමට සැලසුම් කර ඇති වෘත්තිය සමිති ක්‍රියාමාර්ගය පිළිබඳ අදහස් දක්වමින් අධ්‍යාපන අමාත්‍යාංශය මේ බව ප්‍රකාශ කර තිබේ.

ගුරු සේවයේ වැටුප් විෂමතා ඉවත් කිරීමට අදාළව අධ්‍යාපන අමාත්‍යාංශය විසින් සකස් කරන ලද  යෝජනාවලිය මේ වන විටත් රාජ්‍ය අංශයේ වැටුප් සමාලෝචනය සම්බන්ධයෙන් වන විශේෂ කොමිශන් සභාව වෙත යොමු කර අවසන් බව එම නිවේදනයේ දැක්වෙයි.

ඒ අනුව ඉදිරියේදී ඊට අදාළ නිර්දේශ ලැබීමෙන් අනතුරුව අදාළ වැටුප් විෂමතා ඉවත් කිරීමට පියවර ගන්නා බව අධ්‍යාපන අමාත්‍යාංශය සඳහන් කළේය.

මේ අතර මෙම වැටුප් විෂමතා ක්‍රියාවලියට විසඳුම් ලබාදීම මෙන්ම  මෙමෙරට අධ්‍යාපන පද්ධතියට ගුරුවරුන් සහ විදුහල්පතිවරුන්ගෙන් වඩාත් ගුණාත්මක සේවා දායකත්වයක් ලබා ගැනීම සදහා වැඩපිළිවෙල රැසක් ක්‍රියාවට නංවා ඇති බව ද අධ්‍යාපන අමාත්‍යාංශය නිකුත් කළ නිවේදනයේ දැක්වෙයි.

අධ්‍යාපන අමාත්‍යවරයාගේ විශේෂ මඟ පෙන්වීම හා උපදෙස් මත මෙරට පවතින ගුරු හිඟය සහ ගුරු අතිරික්තය හඳුනා ගනිමින් ගුරු තුලනයක් ඇති කිරීමට ද පියවර ගෙන ඇති බව අධ්‍යාපන අමාත්‍යාංශය සඳහන් කළේය.

දැන්වීම්
පෘථිවි අභ්‍යන්තරයේ විශාල සාගරයක් සොයා ගැනේ
- මතීෂ චාමර අමරසේකර
2014-06-15 18:13:12 - 20124591
ගුරු මාරුව 2014 - ලග්න රැසකට සුබපල
- මතීෂ චාමර අමරසේකර
2014-06-18 17:22:53 - 19378959
මෛත්‍රී යුගයේ යහපාලනය..
- රත්තනදෙණියේ මේධානන්ද හිමි
2015-01-13 06:05:47 - 15539349
සමුගත් පොදුජන ජනපතිට රටේ දරුවන් ලියු ලිපි
- ඉන්දික කුමාර
2015-02-07 23:33:29 - 15420546
ත්‍රස්තවාදය නැතිකළ පාපයට ගෝඨාභය බිල්ලට දීම
- මහින්ද පතිරණ
- 15325459
Copyright © 2014 - 2019 Helabima. All rights Reserved.
Copyrights protected: All the content on this website is copyright protected and can be reproduced only by giving due courtesy to 'helabima'