Logo

ඩොලර් මිලියන 3,850 ක ශ්‍රී ලංකා ඉතිහාසයේ විශාලතම සෘජු විදේශ ආයෝජනය හම්බන්තොට මිරිජ්ජවිලට



එළඹෙන මාර්තු 24 වෙනි දින ශ්‍රී ලංකාවට ඓතිහාසික දිනයක් වන බවත්, එතෙක් මෙතෙක් මෙරට ඉතිහාසයේ වාර්තා වූ වැඩිම සෘජු විදේශ ආයෝජනය වන ඇමරිකානු ඩොලර් මිලියන 3,850 ක ආයෝජනයකින්, හම්බන්තොට මිරිජ්ජවිල අපනයන සැකසුම් කලාපයේ, සිල්වර්පාක් ඉන්ටර්නැෂනල් තෙල් පිරිපහදුවේ වැඩ කටයුතු එදින ආරම්භ වන බවත් සංවර්ධන උපායමාර්ග සහ ජාත්‍යන්තර වෙළෙඳ නියෝජ්‍ය අමාත්‍ය නලින් බණ්ඩාර මහතා පවසයි.

මෙහිදී වැඩිදුරටත් අදහස් දැක්වූ නියෝජ්‍ය අමාත්‍යවරයා,

“අපේ රටේ ඉතිහාසය තුළ, එතෙක් මෙතෙක් වූ දැවැන්තම ආයෝජනය හම්බන්තොට මිරිජ්ජවිල අපනයන සැකසුම් කලාපයේ සිද්ධ වෙනවා. ඩොලර් මිලියන 3,850 ක් සෘජු විදේශ ආයෝජනයක් වන සිල්වර්පාක් ඉන්ටර්නැෂනල් තෙල් පිරිපහදුවේ වැඩකටයුතු ආරම්භ වෙනවා. මෙය අතිදැවැන්ත ආයෝජනයක්. මෙය හම්බන්තොට වරාය ඉදිකිරීමට ගිය මුදල වගේ තුන් ගුණයක්.“

“1967 තමා අවසාන වරට අපේ රටේ තෙල් පිරිපහදුවක් නිර්මාණය වෙලා, වැඩ ආරම්භ වෙන්නේ, සපුගස්කන්ද තෙල් පිරිපහදුව. ඒ වගේ පස් ගුණයක් ධාරිතාවක් තියෙනවා. බැරල් ලක්ෂ 2 ක් දෛනිකව නිෂ්පාදනය කරන්න පුළුවන් මේ තෙල් පිරිපහදුවෙන්. මාස 44 කින් වැඩ අවසන් කරන්න බලාපොරොත්තු වෙනවා.“

“මේකේ පළවෙනි කොටස විදියට තෙල් ටැංකි සංකීර්ණයේ වැඩකටයුතු මේ මාසේ් 24 වෙනිදා අගමැතිතුමාගේ මූලිකත්වයෙන් ආරම්භක මහෝත්සවය සිදුවෙනවා. වැදගත්ම කාරණය තමයි හම්බන්තොට වරාය සක්‍රීය වරායක් බවට පත් කරන්න මේ හරහා අවස්ථාව උදාවෙලා තියෙනවා.“

මෙම ආයෝජනය සිංගප්පූරුවේ සිල්වර්පාක් ඉන්ටර්නැෂනල් (පුද්ගලික) සමාගම සහ ඕමාන් සුල්තාන් රාජ්‍යයේ තෙල් හා ගෑස් අමාත්‍යාංශය සමඟ ඒකාබද්ධව පිහිටුවා ගත් ව්‍යාපාරයක් මගින් සිදුකෙරෙන ආයෝජනයක් වන අතර පිළිවෙලින් 70% ක් හා 30% ක් බැගින් මෙම සමාගමේ අයිතිය සිංගප්පූරුව හා ඕමානය සතුව පවතී.

දැන්වීම්
පෘථිවි අභ්‍යන්තරයේ විශාල සාගරයක් සොයා ගැනේ
- මතීෂ චාමර අමරසේකර
2014-06-15 18:13:12 - 19895474
ගුරු මාරුව 2014 - ලග්න රැසකට සුබපල
- මතීෂ චාමර අමරසේකර
2014-06-18 17:22:53 - 19111596
මෛත්‍රී යුගයේ යහපාලනය..
- රත්තනදෙණියේ මේධානන්ද හිමි
2015-01-13 06:05:47 - 15269284
සමුගත් පොදුජන ජනපතිට රටේ දරුවන් ලියු ලිපි
- ඉන්දික කුමාර
2015-02-07 23:33:29 - 15186248
ත්‍රස්තවාදය නැතිකළ පාපයට ගෝඨාභය බිල්ලට දීම
- මහින්ද පතිරණ
- 15060281
Copyright © 2014 - 2019 Helabima. All rights Reserved.
Copyrights protected: All the content on this website is copyright protected and can be reproduced only by giving due courtesy to 'helabima'