Logo
2019 දෙසැම්බර් මස 11 වැනි බදාදා

සාගලගේ රහසිගත ගෝඨා හමුව හා කබීර්ගේ සුවදුක් විමසීම



එළඹෙන අගෝස්තු 11 දා පැවැත්වෙන්නේ ශ්‍රී ලංකා පොදුජන පෙරමුණ පක්ෂ සමුළුවේදී එක්සත් ජාතික පක්ෂය ඇතුළු ප්‍රමුඛ දේශපාලන පක්ෂ වලින් කිහිප දෙනෙකු එම පෙරමුණට එක්වන බවට මහින්ද රාජපක්ෂ මහතා පවසයි.

පසුගියදා රෝහලේ ගතව ප්‍රතිකාර ලබමින් සිටි පාර්ලිමේන්තු මන්ත්‍රී සාලින්ද දිසානායක මහතා බැලීමට පැමිණි අවස්ථාවේදී ඒ මහතා මේ බව කියා සිටියේය.

මේ අතර අග්‍රාමාත්‍ය රනිල් වික්‍රමසිංහ මහතාගේ කාර්ය මණ්ඩල ප්‍රධානී අමාත්‍ය සාගල රත්නායක මහතා සහ අමාත්‍ය කබීර් හෂීම් මහතා පසුගිය 4 වැනිදා ගෝඨාභය රාජපක්ෂ මහතාගේ නිවසට ගොස් ඇති බව දේශපාලන ආරංචිමාර්ග සදහන් කරයි.

මීට මාස කීපයකට පෙර කබීර් හෂීම් අමාත්‍යවරයා අසනීප තත්ත්වයේ සිටි ගෝඨාභය රාජපක්ෂ මහතා සහ ඔහුගේ මිතුරු දලිත් ජයවීර දැනුම්දීමකින් තොරව ඇමතිවරයාගේ නිවසට පැමිණ ඇති අතර එයට කෘතගුණ සලකීමක් ‍ලෙස වෛද්‍ය ප්‍රතිකාර වලින් පසු යළි දිවයිනට පැමිණ සිටින ගෝඨාභය රාජපක්ෂ මහතාගේ සුවදුක් බැලීමට නිවසට ගොස් ඇති බවද මාධ්‍ය වාර්තා පළවේ.
කෙසේ වුවද සාගල දැකීමෙන් පසු කබීර් හෂීම් අමාත්‍යවරයා වහාම එම නිවසින් බැහැරව ගොස් ඇති බවද වාර්තා වේ.






Helabima. All rights Reserved.

Copyrights protected: All the content on this website is copyright protected and can be reproduced only by giving due courtesy to 'helabima'