Logo
2021 ජනවාරි මස 19 වැනි අඟහරුවාදා

යාපනය සහ කෝපායි LTTE සැමරුම් තහනම් කරමින් යාපනය අධිකරණයෙන් නියෝගයක්





යාපනය සහ කෝපායි යන ප්‍රදේශවල LTTE සැමරුම් උත්සව පැවැත්වීම තහනම් කරමින් ලබන 29 වනදා දක්වා බලපැවැත්වෙන පරිදි  තහනම් නියෝගයක්  යාපනය මහෙස්ත්‍රාත් අධිකරණය  මගින් නිකුත් කළ බව පොලිස් මාධ්‍ය ප්‍රකාශක, නියෝජ්‍ය පොලිස්පති අජිත් රෝහණ මහතා පැවසීය.

"යාපනය මහෙස්ත්‍රාත් අධිකරණය විසින් යාපනය මහෙස්ත්‍රාත් අධිකරණ බලසීමාව තුළ සහ කෝපායි ප්‍රදේශය තුළ 29 වනදා දක්වා LTTE ත්‍රස්තවාදීන් සැමරුම තහනම් කරමින් අපරාධ නඩු විධාන සංග්‍රහයේ 106 වගන්තිය ප්‍රකාරව නියෝගයක් නිකුත් කරනු ලැබුවා. ඒ වගේම මුලතිව් මහෙස්ත්‍රාත් අධිකරණය විසින් මීටපෙර නිකුත් කරනු ලැබූ තහනම් නියෝගය තවදුරටත් තහවුරු කරමින් නියෝගයක් නිකුත් කෙරුණා LTTE සැමරුම් පැවැත්වීමෙන් වළකින ලෙසට. යම් කෙනෙක් උසාවි නියෝගවලට පටහැනිව කටයුතු කරනු ලැබුවහොත් ඔවුන්ට එරෙහිව අපරාධ නීතිය යටතේ කටයුතු කරනවා," ඒ පිළිබඳ වැඩිදුරටත් පැහැදිළි කරමින් නියෝජ්‍ය පොලිස්පති අජිත් රෝහණ මහතා සඳහන් කළේය.

 






Helabima. All rights Reserved.

Copyrights protected: All the content on this website is copyright protected and can be reproduced only by giving due courtesy to 'helabima'