Logo
2021 අගොස්තු මස 3 වැනි අඟහරුවාදා

පවුලක් එක්ව කළ රත්‍රං හොරකම





වවුනියාව නගරයේ රන් භාණ්ඩ වෙළෙඳ සැළකින් රන් භාණ්ඩ සොරාගත් තිදෙනෙකු වවුනියාව පොලීසිය විසින් අත්අඩංගුවට ගෙන ඇත.

පසුගිය 13 වැනිදා වවුනියාව නගරයේ රන් භාණ්ඩ අලෙවි සැළකට ඇතුළු වී රුපියල් ලක්ෂ හතරකට ආසන්න වටිනාකමින් යුතු රන් භාණ්ඩ සොරාගත් මවක්, දියණියක් හා දියණියගේ පෙම්වතා එලෙස අත්අඩංගුවට පත්ව තිබේ.

රන් භාණ්ඩ අලෙවි සැළේ සීසීටීවි දර්ශන උපයෝගී කර ගනිමින් අදාළ සැකකරුවන් අත්අඩංගුවට ගැනීම සිදුකළ බවද පොලීසිය පවසයි.

පොලීසිය පැවසූවේ, සැකකරුවන් රන් භාණ්ඩ අලෙවි සැළට පැමිණ රන් භාණ්ඩ නිරීක්ෂණය කරන අතුරතුර, එම සොරකම සිදුකර ඇතැයි අනාවරණය වු බවය.

අත්අඩංගුවට ගත් සැකකරුවන් වවුනියාව මහෙස්ත්‍රත් අධිකරණයට ඉදිරිපත් කිරීමට නියමිතය.

සිද්ධිය සම්බන්ධයෙන් වවුනියාව පොලීසිය වැඩිදුර පරීක්ෂණ මෙහෙයවයි.







Helabima. 2014-2021 All rights Reserved.

Copyrights protected: All the content on this website is copyright protected and can be reproduced only by giving due courtesy to 'helabima'